Danum

by Jenmar “Tito” Verzola

“Kas tay ugsa nga agsapul ti danum kasta met ti kararuak a mawaw kenka Apo”

Gapu iti agdama nga agraraira nga sakit ket maipagel ti anyaman a kita ti panag-uummung maibilang ti panag-gimong. Numan pay ta adda dagiti misa nga mabuya babaen ti moderno nga teknolohiya, saan na daytoy a masukatan ti ragsak nga marikna nu ag-uummung tayo a kas maysa a Gimong. Saan a mabaelan ti baro nga teknolohiya nga punwen ti pannaka-uwaw nga marikrikna tayo ita.

Daytoy met siguro ti narikna dagiti adalan ti Apo kalpasan ti naulpit a pannaka-papatay na. Nakarikna da met siguro ti nakaro a pannaka-uwaw gapu iti ipapanaw na iti sibay da, ket nagraira ti liday iti tumunggal maysa kadakwada. Naawan ti ubbug ti danum a ni Kristo iti sibay da ket maiyarig dan ti mula nga malaylaylay ket ti rikna da nalday. Isu met daytoy ti gapuna nga nabaliwan ti taray ti biag da, naibalud da iti liday nga inyeg ti pannakapukaw ti Apo iti sibay da.

Naawan a naminpinsan ti liday a narikna da idi nagsubli ti Apo iti sibay da kalpasan a napagungar. Limmangto manen ti dati a malaylaylay ket simmaranta ti agkakapoy. Napno da iti ragsak ket napukaw ti uwaw nga nariknada ket nabaelanda nga pukawen met ti liday ti dadduma.

Kas pasurot ti Apo, nasken nga maaddaan tayo ti natibker a namnama nga aglippas met laeng ti rigat nga laklak-amen tayo ita ket mabaelantayo met laeng ti makapagtitipun kas gimong nga umasideg iti ubbog ti danum a mangpalpalangto ken mangpaspasaranta. Agtalek tayo nga maawat tayo met laeng ti wayawaya manipud iti agdama a “pannakabalud” tayo gapu iti daytoy agraraira nga sakit.

Ti agdama a pasamak ket maysa pay met nga awis kadatayo nga saan tayo laeng koma nga sapulen ti danum nga makaited ti gin-awa ken makapukaw ti uwaw nga marikna tayo. Babaen ti naiimbag nga aramid, mabalin tayo met nga agbalin a danum a mangpukaw ti uwaw ti sabali. Mabalin tayo met nga agbalin a danum a mangpalangto ken mangpasaranta kadagiti malaylaylay ken agkakapoy.

Agserbi tayo koma a danum iti tumunggal maysa!

 

Jenmar “Tito” Verzola is a first year theology seminarian in San Jose Seminary. He is from the Diocese of Bayombong, Nueva Vizcaya

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Blog at WordPress.com.

Up ↑

%d bloggers like this: