by Sr. Joy De Vera, RA
Salamat sa puro na pag-ibig,
Kapag binabasa ang iyong mga Salita’y ikaw mismo ang nadidinig,
Mga tapat na pangako ang puso kong nakikinig,
Pinakakabog sa tuwa ang aking dibdib…
Matagal na sa awa mo naghihikaos,
Sinong ‘di malulusaw sa iyong imbitasyong napakalamyos,
Madalas ang luha patuloy na lamang umaagos,
Sa kagalakan ng iyong pag-ibig na taos…
Pag-ibig mo na napakapuro,
Na kahit makasalanang gaya ko na mahirap matuto,
Ngunit ika’y matyagang magturo,
Nang iyong gawaing napaka tino…
Patuloy mong gawing puro ang puso na naging matigas,
Gawin itong maawain, mapagpatawad at nagniningas,
Sa dakilang pag-ibig at awa mo’y mapuno ng pag-asa…
Gawin akong gaya mo na mapang-unawa!
Leave a Reply